Ajansa Kurdan a herî baş bêguman AK News bû. Bi Kurmanciyeke têkûz xizmeta gel dikir. Herwiha bi Soranî, Erebî, Farsî, Îngîlîzî jî nûçe belav dikir. Wê jî dawî li beşa xwe ya Kurmancî anî. Tê zanîn li Başûrê Kurdistanê Kurmancî bûye zaraveyê sêwî û bêxwedî. Roj bi roj derî ji Kurmancî re tê girtin. Em hêvîdar in ku AK Newsê ve biryara xwe bo xatiran negirtibe. Tirkiye naxwaze li Kurdistana Azad Kurmancî jî bê bikaranîn.

Ji 60´î zêdetir rewşenbîrên Kurd, di „Konferansa Kurdên Diyasporayê“ de hatin ba hev û ji bo referandûma destûrê ku di 12 Îlonê de li Tirkiyê wê bê li dar xistin, banga „Ne Bes e, Lê Erê“ kirin. Di civîna ku li bajarê Kolnê ya Elmanyayê hat pêk anîn, biryar hat girtin, ku ji bilî banga „erê“, daxwazên gelê Kurd yên ji hukûmetê jî daxuyaniya hevbeş ya civîne de divê bên eşkere kirin. Her weha hat pêşniyar kirin, ku gavên erênî yên AKP bên teşwîq kirin û pişgiriya sazî û dezgehên sîvîl yên Kurdistanî ku ji bo referandûmê helwestên xwe eşkere kirine bê kirin.

Tirk tenê nîjadperestiya xelkê dibînin lê ya xwe nabînin. Sarrazin gotibû "Xêra Tirkan ji aboriya me re nîne, ew tenê li bazaran fêkiyan difiroşin". Waweylê çima wisa gotiye Tirkiyeyê seferberî da destpêkirin. Li ser reaksiyona Romiyan, hikûmeta Alman şûnve gav avêt, Thilo Sarrazin ji gerînendetiya bankaya neteweyî girtin, erkên wî kêm kirin.

Zanistên Brîtanî piştî garis û birincê şîfreya genoma genim aşkera kirin. Genetîka genim 4 car ji ya mirovan tevlîhevtir û kompleks e. Zanist lê digerin ku di paşerojê de bi hin tevdanên genetîkê, hilberîna genim hêsantir bikin. Lewra eko-sazûmana erdê bi lez xirab dibe, heger wiha bidome dê demek bê, genim nekaribe bê çandin. Dinya germ dibe û kanên avê bidawî dibin.

Apoyî (Kurdên Kemalîst, Apocular) û rastradîkalên Romiyan (Tirk) di maça yaneya Beşiktaş û Helsînkî de bi hev ketin. Herdu aliyan xwestin Kurd û Tirkan berdin hev, di pêvajoya referandûma li Tirkiyeyê de, dengên dijberan zêde bikin. Herdu aliyan xwestin Kurdan îcar jî di cîhana werzişê (sportê) de reş bikin, xelkê ji Kurdan bidin acizkirin.

Piştî van daxuyaniyan berfirehbûnên bi sosret destpêkirin. Hin navendên polîtîk li hemberî grûbên polîtîk yên kurd; Rêxistinên Civatê yên Sivîl û rêxistinên pîşeyî ku wek wan nafikirin û xwedî helwestên ji yên wan cuda ne, di hemû qadên jiyanê de li peyhev, dest bi gef û gurr û daxuyaniyên bi tometên giran kirin.

Komara Mollayan Îran, bi navê Îslamê agir li misilmanan dibarîne. Van rojên pîroz ên remezanê de qetla Kurdan dike. Bi navê Îslamê bi hezaran ciwanan darve dike, keç û jinan dide ber keviran. Îran ji roja ava bûye heya niha li hundir û derve dijminiya Kurdan dike. Îran roj nîne ku axa Herêma Federal a Kurdistanê topbaran bike. Mixabin dinya ji bo berjewendiyên xwe bêdeng dimîne. Topbarana Îranê hestên yekîtiya Kurdan xurt dike. Fermo nûçeyê bixwînin:

Federedewleta Berlînê niha dixwaze Tirkan bike memûrê dewletê. Ango karmendên saziya xebatê (Arbeitsamt), polîs, bankager, sendîkavan, postager ûêd dê ji Tirkan bin. Lê Kurd ditirsin ku karmendên Tirk ji wan re nebaş bin, neheqiyê li wan bikin. Lewra heya niha gelek caran polîsên bi eslê xwe Tirk in, li Kurdan xistine, bi hestên dijminî tevgeriyane.

Tirkomanên hatine li Kerkûkê bicih bûne, serokê Eniya Tirkomanan a Îraqê ku girêdayî artêşa Tirkiyeyê tevdigere, li taxa Mûsellayê dan ber kevir û firengiyan (tomat). Ev enî li provokasyonan digere û dijminiya Herêma Federal a Kurdistanê dike. Hin rojavayî vê komeleyê wekî yekîneyek kontrgerîllayê binav dikin.

Ali Sapan ê ku demekî berpirsê PKKê yê Ewropa bû, niha li bajarê Sînopê leşkeriya xwe dike. Wek tê zanîn dema serokê PKKê Ocalan hatibû girtin û anîn Tirkiyeyê, wek gruba niyeta aşitiyê, 8 endamên PKKê bi serokatiya Ali Sapan de hatin teslîmê Tirkiye bûn. Tirkiyeyê ew girtin û dan dadgehê. Ali Sapan û hevalên xwe ceza standin û ew existin girtîgehê.