Berê Cemil Çiçek, paşê Thilo Sarrazin (Zuerst Cemil Cicek, danach Thilo Sarrazin)
Yazı boyutu
Mr. Pipi sinnet dibe (!)
Tirk tenê nîjadperestiya xelkê dibînin lê ya xwe nabînin. Sarrazin gotibû "Xêra Tirkan ji aboriya me re nîne, ew tenê li bazaran fêkiyan difiroşin". Waweylê çima wisa gotiye Tirkiyeyê seferberî da destpêkirin. Li ser reaksiyona Romiyan, hikûmeta Alman şûnve gav avêt, Thilo Sarrazin ji gerînendetiya bankaya neteweyî girtin, erkên wî kêm kirin.
Niha Tirk bi wê jî nasekin, dibêjin bila Almanya Thilo Sarrazin ji kar jî bavêje. Komeleya Romiyan (Tirkan) TGD kampanyeyekê da destpêkirin. Serokê komeleyê Kenan Kolat alîkariya tevlîbûnê xwest. Heya bigire bêî ku fedî bikin, alîkariyê ji Kurdan jî dixwazin.
Ka hela behsa nîjadperestiya xwe bikin
Ka bila Cemîl Çîçek ji mînîsteriyê derînin.
Fatih Altayli, Ertugrul Ozkok û bi dehan ên din ji rojnamevaniyê bavêjin.
Unal Erkan, Tansu Çiller û bi sedan ên din bidarizînin.
Van kesan bi gelek caran heqaret li Kurdan kirine. "Bêsinnet" gotine, "bila herin Îraqê bijîn" gotine, "Kurd ji qewmê cinan in" gotine hwd.
Herwiha komara Romê bi xwe li ser himê faşîzmê hatiye damezrandin.
Ka bila çiya û baniyên Kurdistanê ji sloganên faşîst ên wekî "Çi bextewarî ye Tirk im" pakij bikin.
Ka bila destûrabingehîn ku bi xwe rasîst e biguherînin.
Ka bila perwerdeya Kurdî, vegerandina navên erdnîgariya Kurdistanê bikin.
Ka bila beriya beriyê bibin mirov û werin ser riya mirovahiyê.
Bila wê demê bêjin ku Sarrazin nîjadperest e, ji karê wî bavêjin.
Bila wê demê ji me Kurdên diyazporayê alîkarî bixwazin.
28ê gelawêjê 2010
Bavê Îsmaîl
Nasname
Yazıcı versiyonu
Düz Metin
Yorumlar (0 gönderildi):
Yorum yaz