Mîhrîcana yekem a Çand û Kelepûra Kurdî li Oslo

Komeleya Kurdên Sûriyê li Norwêcê û Rêxistina Kêşe ya Kurdistanî aşkerekirin ku di 28 tebaxê de mîhrîcana yekem ya Çand û Kelepûra Kurdî li paytexta Norwêcê Oslo dest pê dike.

Li gor belavokekê ji Komeleya Kurdên Sûriyê li Norwêcê, ku wêneyek jê gihişte AKnewsê tê de hatiye ronîkirin, “Bi armanca avakirina pirrên rewşenbîriyê di navbera gelên cîhanê de û pênasîna çand û doza kurdî bi gelên cîhanê de, di 28 tebax 2010ê de mîhrîcana yekem ya Çand û Kelepûra Kurdî li paytexta Norwêcê Oslo dest pê dike.”

Her wiha belavok xuya dike, “Ahenga vekirina mîhrîcanê li meydana "Vatrland" li naverasta Oslo ya paytext û bi beşdariya nûnerên Wezareta Rewşenbîriya Norwêcê û nûnerên Encûmena Parêzgeha Oslo û yên rêxistinên Kurdistanî yê n li Norwêcê tê lidarxistin.”

Derbarê çalakiyên mîhrîcanê de jî biryar e, gelek komên floklorî yên kurdî û cîhanê ji deverên cihêreng ên cîhanê beşdar dibin, her wiha gelek hunermendên kurd û pêşandanên cilûbergên kurdî, zêdebarî pêşangeheke fotografan.

24ê gelawêjê 2010, AK News

Nasname