Nasname Ozgur Bireyler Toplulugu: Rezîliya şaredariyên Amedê, qursên zimanê Tirkî didin, bûne ÇATOM

Rezîliya şaredariyên Amedê, qursên zimanê Tirkî didin, bûne ÇATOM
================================================================================
Nasname - : on 07 Mar, 2010 07:07:00
 
Amed bûye Ahmed, Kurd bûye "Tirkê Çiyayî"
Dewleta Romê 80 sal in bi tevayî hêza xwe li pişavtina (assîmîlekirina)
Kurdan digere. Lê bi qasî PKKê ziyan neda Kurdan. Beriya ku PKK li Bakur
serdest bibe, xelkê li gundan û navçeyan ciwan ciwan bi Kurdî diaxivîn. Lê
îro şivanên serê çiyê jî bi Tirkî diaxive.
Dewleta Romê bi "29 komkujî" nekarî me ji Kurdistanê biqetîne lê PKKê 5
hezar gund da tunekirin, 5 milyon Kurd ji Kurdistanê da derxistin. PKKê mala
Kurdan mîrat kir.
Mirovên herî qenc, zana, pêşketî û kêrhatî da şehîdxistin,
windakirin. Dawiya dawiyê de Üveyşoğlu Abdullah Öcalan Paşa hat ser textê
Zübeydeoğlu Kemal û ala teslîmiyetê bilind kir.
PKK niha bûye qirnî, bi canê me ketiye. Bûye mixmixk (mêşûle, vizik)
xwîna me dimêje. Armanca PKKê ya niha jiholêrakirina nivşên nû yên Kurd
e. Ango dixwaze ciwanan bixapîne bikişîne Qendîlê û li wir bide kujtin.
Dixwaze bi provokasyonên xwe, Dewleta Romê û cîhanê bikişîne ser
Kurdistanê, Kurdistanê wêran û tarûmar bike. PKK ne ji bi xêrê ye.
Dewletê sipasiya şaredariyên Amedê kir
Şaredariyê Sûrê ya Amedê û Wexfa Alîkariya Sosyal û Hevkariyê bi navê
KADEM (Kadin Destek Merkezî - Navenda Destdayîna Jinê) projektekê didin
meşandin. Qaşo ew dê jin, temendirêj û zarokên Kurd ên ku neçûne
dibistanê yan jî nekaribûne biçin dibistanê fêrî zimanê Tirkî bikin. Bi
kurtî Kurdên assîmîle nebûne, assîmîle bikin.
Heftiya derbasbûyî (yekemîn hefteya adara 2010), dîplom dan beşdariyan ku
bi serkeftî fêrî Tirkî bûne, dikarin bi Tirkî bixwînin û binivîsînin.
Di seremoniya dîplomdayînê de qeymeqamê dewletê Mustafa Kiliç,
gerînendeyê perwerdeyê yê parêzgehê Ozcan Eren, rayedarên saziyên ku
mirov nizane bi çi armancê hatine SELIS, KARDELEN, AÇEV, EPIDEM ûêd. jî
tevlî seremoniyê bûn.
Gelo belediyeya Sûrê şaxeke ÇATOMê ye?
Serokê şaredariya taxa Sûrê Güler Şen di axavtinê de anî ziman ku wan
bi serkeftin ev projekt meşandine, jin fêrî Tirkî kirine, hunera dezgehên
hilberîna destî raveyê wan dane, ew bi van herduyan dikarin jiyana xwe
hêsantir bikin.
Tê zanîn ku di salên 1990î de Dewleta Tirk, bi navê ÇATOM (çok amaçlı
toplum projesi - projekta pirralî ya civakê) saziyan li Kurdistanê vedike. Di
van saziyan de, Kurd bi hin qursên hunera destî û zimanê Tirkî dihatin
assîmîlekirin.
Pirranî ev sazî li gundên cerdevanan dihatin vekirin. Lê piştî
teslîmîyeta îdeolojîk a PKKê îcar li bajaran jî hatin vekirin. Niha gelek
kes bi mafdarî dipirsin ka belediyeyên di bin kontrola PKKê de ne, gelo rola
ÇATOMê dikin...
7ê adarê 2010
Nûce-Şîrove
(B. Î.)