Sînorê Kurdistan û Îran bi fermî ve bû.

 PNA – Jêderekî agahdar ji jûra bazirganîya herêma kurdistanê bi taybetî ji ajansa PNA û radiyoya Zagros re got, ku evroj dê dergehê sînorîyê nêvbera Îranê û hukûmeta herêma kurdistanê bi awayekî fermî bihê vekirin û dê wekî dergehekî sînorîyê nêvdewletî be. Di maweyên berî niha de û ji ber hinek egerên siyasî û ewledarî, ev dergeh dihat girtin. Belê niha êdî bi amadebûna nûnerê Komara Islamîya Îranê dihê vekirin.

Endamê jûra (odeya) bazirganîya herêma kurdistanê Baqî Muhemmed Hadî got: em wek endamên jûra bazirganî, parêzgarê Hewlêrê û berpirsan, niha li nik dergehê Hacî Omeran in, da ku bi amadebûna nûnerê Komara Islamîya Îranê em evî dergehê fermî vebikin.

Baqî Muhemmed Hadî weha jî got: dêrendazên (merasîmên) vekirina evî dergehî dê evroj di demjimar 10:30 ê sibehê de pêk bihên û dê parêzgarê Hewlêrê, nûnerê Komara Islamîya Îranê, endamên jûra bazirganî û berpirsên hukûmetê û partîyan jî lê amade bibin.. bi vekirina evî dergehê sînorî jî, hevwelatî êdî dikarin bi awayekî fermî û bi passport çûn û hatinê bikin.