Mala minê doktorên Romê (Dr. Renin Berhan Özcan is Mrs. Mengele?)

Bijîşkeka Tirk ku navê wê Dr. Renin Berhan Ozcan e, ji ber ku Tirkî nizane û bi Kurdî axiviye, pişkîna (miayeneya) nexweşekê nekir. Herwiha doktor xanim dipeke ser nexweş û heqaretan lê dike. Bûyer îcar li bajarê tirkan Smyrna (Σμύρνη, navê wê kirine Îzmîr) pêk tê.

Navê nexweş Nazîfe Gul e. Diçe nexweşxaneya bi navê Nexweşxaneya Perwerde û Lêgerînê ya Smyrna (İzmir Atatürk Eğitim ve Araştırma Hastanesi) ku miayene bibe. Baş bi tirkî nikare û dixwaze bi alîkariya kesekê bi xwe re aniye, derdê xwe bêje.

Bijîşka tirk Dr. Renin Berhan Özcan hêrs dibe û bi heqaretan jina Kurd dixe der. Doktor li pey Nazîfe Gul diqîre "Ev der Tirkiye ye, her kes mecbûr e bi tirkî bizanibe!".

Vê bûyerê di çapemeniyê de cih girt û parlementerekî BDPê (Partiya Aşitî û Demokrasiyê ku nêzîkî Apoyiyan e) bi fermî û nivîskî pirsyar ji mînîsterê tenduristiyê kir, ka dozekê li wê qaşo-doktorê hatiye vekirin an na.

25ê reşemiyê 2010

Nasname